Institutt for kulturstudier og orientalske språk (IKOS)

Dagens organisasjon

Institutt for kulturstudium og orientalske språk (IKOS) vart oppretta januar 2005, og er eitt av sju institutter ved Det humanistiske fakultet. Leiinga består av instituttleiar, administrativ leiar, forskningsleiar og undervisningsleiar. Ved IKOS blir det arbeidd med undervisning, forsking og formidling innanfor religion og kultur særleg i Europa og Asia. Innanfor språkbaserte områdestudium har instituttet særleg vekt på Sør-Asia, Aust-Asia, Midtausten og Nord-Afrika. Instituttet har fleire studieprogram som dekkjer både bachelornivå og masternivå.

IKOS har internasjonalt profilerte forskingsmiljø og avtalar om studentutveksling med fleire velrenommerte utanlandske universitet.

Instituttadministrasjonen

Instituttadministrasjonen har blant anna ansvar for: Forskningsadministrasjon, studieadministrasjon, eksamensadministrasjon, økonomi, personalsaker, web, informasjon.

Instituttleiinga

Instituttleiar er øvste leiar for IKOS og leiar for instituttstyret. Instituttleiar blir tilsett for ein fireårsperiode og peiker ut forskingsleiar og undervisningsleiar for den gjeldande perioden.

Administrativ leiar tar hand om den forvaltningsmessige leiinga av instituttet. Studieleiar leier det studieadministrative arbeidet ved instituttet.

Instituttstyrets rolle og mandat

Instituttstyret er det øvste avgjerdsorganet ved instituttet. Styret vedtek overordna mål, prioriteringar og strategiar for instituttet.

Rolle

Instituttleiar er styreleiar, og førebur sakene som skal behandlast. Administrativ leiar er styresekretær.

Alle møter i instituttstyret er opne.

Styret praktiserer ansvaret sitt basert på vedtak i universitets- og fakultetsstyret og innanfor dei lovene, forskriftene og reglane som til kvar tid gjeld.

Dei sakene styret vedtek, er regulerte i instituttets styrings- og administrasjonsreglement.

Styret vedtek

· Årsplan og budsjett.

· Overordna planar, prinsipp og prioriteringar for verksemda, som for eksempel strategisk plan og faglege prioriteringar for instituttet.

· Rekneskap og årsrapport.

· Interne organisering.

· Innstilling ved tilsetjingar av instituttleiar og vitskaplege tilsette. Innstillinga blir behandla av fakultetsstyret, som har avgjerdsmakt ved tilsetjingar.

Val til styret

Dei fast tilsette vel sine representantar kvart fjerde år. Representantar for studentane og for midlertidig vitskapleg tilsette blir valde kvart år.
Ekstern representant blir oppnemnt kvart fjerde år av fakultetsstyret etter forslag frå instituttstyret.

 Regler og forretningsorden

· Administrasjons- og styringsreglement for Institutt for kulturstudier og orientalske språk

Historikk