|
Lov om behandling av personopplysninger, i dagleg tale kalla "personopplysningsloven", omhandlar handsaming av personopplysningar og sensitive personopplysningar i offentleg verksemd. Føremålet med lova er å verne den enkelte mot at personvernet vert støtt gjennom handsaming av personopplysningar. Lova skal medverke til at personopplysningar vert handsama i samsvar med grunnleggjande omsyn til personvernet, som integritet, privatlivets fred og tilstrekkeleg kvalitet på personopplysningar. Til lova høyrer også Forskrift om behandling av personopplysninger, som regulerer handsaminga og krav til oppbevaring/lagring av personopplysningar. I 2018 fekk vi ny personopplysningslov. Lova består av nasjonale reglar og EU's personvernforordning (GDPR - General Data Protection Regulation). Forordninga er eit sett reglar som gjeld alle EU/EØS- land og omhandlar behandling, altså innsamling og bruk av personopplysningar, og gjeld for stort sett alle verksemder, med nokre unntak.
|